पौष्टिक मेथी धिरडे

[Sanika]

साहित्य मेथी धिरडे पीठः

६ वाट्या तांदूळ
२ वाट्या तूरडाळ
२ वाट्या चणाडाळ
२ वाट्या उडीदडाळ
२ वाट्या ज्वारी
१ वाटी गहू
१ वाटी धणे
१/२ वाटी मेथीदाणे

वरील सर्व जिन्नस न भाजता एकत्र दळून आणा.

साहित्यः

२ वाट्या तयार धिरडे पीठ
१०-१५ लसूण ठेचून (भरपुर लसूण घालावा, मेथी+लसूण भन्नाट चव लागते)
१/२ टीस्पून हळद
१-१/२ टीस्पून लाल तिखट
मीठ चवीनुसार
२ चमचे तेल



पाकृ:

पिठात हळद, लाल तिखट, ठेचलेले लसूण, मीठ व दोन चमचे तेल घालावे.
एक वाटी पीठ असल्यास २ वाट्या पाणी असे प्रमाण आहे, त्याप्रमाणे पाणी घालून , नीट मिक्स करावे.
नॉन-स्टीक तवा गरम करुन घ्यावा व मंद आच करून थोडे तेल ब्रश करुन, वाटीने पीठ ओतावे.
थोडे तेल सोडून एका बाजूने छान होऊ द्यावे मग उलटवून दुसरी बाजू शिजु द्यावी.



गरम-गरम धिरडे नारळाच्या चटणीबरोबर सर्व्ह करावे.

[manish]

मेथी ही माझी अगदी आवडती भाजी! पण ह्यात फक्त मेथीदाणे आहेत - वरून चिरून मेथी टाकली तर जास्त कडू तर होणार नाही ना?
हे आता करून बघितलेच पाहिजे!

बाकी फोटो आणि सविस्तर पाककृती नेहमीप्रमाणेच ए-१!! अजून नवीन काय बोलणार?