शाकाहारी पाककृती

कोथिंबिर वडी

सर्व शाकाहारी, व्हेगन पाककृती

कोथिंबिर वडी

Postby swatidinesh » Wed Nov 25, 2015 12:45 am

बाजारात कोथिंबिरीचे ढीग जागोजागी दिसू लागले की कोथिंबिर वड्यांचा बेत हमखास होतो. जपानमध्ये ती दृष्टीसही पडायची नाही. तर जर्मनीत कधीमधी मिळायची, पण हल्ली आमच्या गावात भारतीय, तुर्की, श्रीलंकन दुकानातून चांगली कोथिंबिर मिळते. त्यामुळे हवी तेव्हा कोथिंबिरवडी करता येते. ह्या दिवाळीला खूप वर्षांनी भाऊ भेटणार होता आणि त्याच्या गावात फार कोथिंबिर मिळत नसल्याने त्याच्यासाठी ह्या वड्या केल्या.
तर ह्याकरता लागणारे साहित्य -

साहित्य

१ जुडी कोथिंबिर,
१ टे. स्पून तिखट,(तिखटाचे प्रमाण कोथिबिरीच्या प्रमाणानुसार आणि स्वत:च्या जिभेच्या तिखटपणानुसार कमीजास्त करता येईल.)
१ टेबलस्पून जिरेपूड, चवीनुसार मीठ.
३-४ चमचे डाळीचे पीठ, १ चमचा तांदळाची पीठी,
थोडे तेल, खायचा सोडा २ चिमूट.

कृती

कोथिंबिर निवडून, धुवून, चिरून घ्या. त्यात तिखट, जिरेपूड घाला. चमचाभर तेल (गरम न करता) घाला.
३-४ चमचे डाळीचे पीठ (बेसन) घाला. चमचाभर तांदळाचे पीठ घाला चवीनुसार मीठ घाला. पाणी घालून सरसरीत भिजवा. २ चिमूट सोडा घाला व चांगले ढवळा.
कुकरच्या भांड्याला तेल लावून घ्या, त्यात हे मिश्रण घाला आणि शिटी न लावता १५-२० मिनिटे वाफवा.
पूर्ण गार झाले की वड्या पाडा आणि तळा, शॅलो फ्राय करा किवा एअर फ्राय करा.
एअर फ्राय करताना- १८० अंश से वर ५ मिनिटे प्रिहिट करा.
वड्यांवर तेलाचा ब्रश फिरवा आणि ६ मिनिटे १८० अंशावर ठेवा. मग उघडून वड्या पलटून परत ३-४ मिनिटे ठेवा.उघडून पहा, वाटल्यास अजून एखादा मिनिट ठेवा.
खमंग आणि कुरकुरीत कोथिंबिर वड्यांचा आस्वाद घ्या.

swatidinesh
Master Chef
 
Posts: 28
Joined: Sun May 18, 2014 7:20 pm
Name: Swati Dinesh

Re: कोथिंबिर वडी

Postby manish » Wed Nov 25, 2015 5:41 pm

कोथिंबिर वडी ही अगदी "all time favourite" मधे आहे, त्या वडीसारखीच खुसखुशीत रेसिपी वाचून मस्त वाटले! :-)
धन्यवाद!!
manish
Master Chef
 
Posts: 184
Joined: Thu Mar 20, 2014 5:38 pm
Name: Manish Hatwalne


Return to शाकाहारी पाककृती

cron

Who is online

Users browsing this forum: No registered users and 1 guest